Support Tatay Tony's Rice Farming

Ako si Tony, siyam (9) ko ka tuig, nag sugod nakog uma.

Nakat-on ko sa akong nanay ug tatay nga ang pag-uma dili lang panginabuhi, kundi usa ka responsibilidad. Mao ni ang trabaho nga naghatag ug pagkaon dili lang sa among pamilya, kundi sa daghang pamilyang Pilipino.

Sa daghang tuig nako sa uma, daghan kog na-agian. Naay panahon nga maayo ang ani, pero naa sab mga bagyo, hulaw, ug taas kaayong gasto sa abono ug binhi. Usahay, halos wala nay mabilin para sa among pamilya. Pero bisan lisod, wala gihapon ko niundang kay mao man ni ang akong kinabuhi.

Karong panahona, daghan na kaayong mag-uuma ang mohunong. Dili tungod kay wala na silay gugma sa pag-uma, pero tungod kay lisod na kaayo ipadayon. Mao nang dako kaayo among pasalamat sa matag tawo nga motabang ug motuo sa mga mag-uuma sama namo.

Ang inyong suporta dili lang para sa binhi o abono. Naghatag mo ug paglaom nga makapadayon pa mi sa pag-uma, ug nga naa gihapoy mga umahan nga maghatag ug pagkaon sa umaabot.

Daghang salamat sa inyong tabang. Gamay man o dako, dako kaayo na ug kahulugan para namong mga mag-uuma. Uban ta sa pagpatubo, dili lang sa humay, kundi sa paglaom ug sa kaugmaon sa atong pagkaon.